AC _ निवडणूक आयुक्त ज्ञानेश कुमार यांच्या राजीनाम्याच्या मागणीसाठी परळी येथील राणी लक्ष्मीबाई टावर परिसरामध्ये रविवारी निदर्शने करण्यात आली. दिल्लीत इंडिया आघाडीच्या नेतृत्वाखाली आयोजित आंदोलनाला पाठिंबा दर्शवण्यासाठी परळी वैजनाथ शहर व तालुक्यात महाविकास आघाडीच्या वतीने हे जोरदार घोषणाबाजी करण्यात आली.
या निदर्शनांमध्ये परळी शहर आणि तालुक्यातील महाविकास आघाडीचे सर्व प्रमुख पदाधिकारी, कार्यकर्ते मोठ्या संख्येने सहभागी झाले होते. आंदोलकांनी केंद्रीय निवडणूक आयोगाच्या कामकाजावर आक्षेप नोंदवत दिल्ली येथील केंद्रीय आंदोलनाला पूर्ण पाठिंबा दर्शवला.
यावेळी चाणक्य न्यूज इंडियाचे प्रतिनिधी नितीन यांच्याशी बोलताना मविआच्या पदाधिकाऱ्यांनी आपली भूमिका स्पष्ट करत प्रतिक्रिया दिली.
____
नितीन ढाकणे
बीड (परळी)
